सानोमा डाक्टर बन्ने ठुलो सपना थियो, छेपारोलाई Operation गरिएन कि भ्यागुतोलाई सुई हालिएन कि,.. तर एकदिन दाइले RAMBO FIRST BLOOD फिल्म ल्याउनु भयो आर्मी-पुलिस बन्दुक बोकेर हिडेको देखे, बस के चाहियो र, रातारात डाक्टरबाट अवकास लिएर, बुवाको पुरानो छालाको जुत्ता अनि काठको बन्दुक बोकेर हिडे खेतबारी तिर Vietnamese लाइ मार्न । खेत बारीमा कति Vietnamese मारियो गनिएन पनि, Vietnameseले भन्दा पहिले आफैले शान्तिसम्झैता गरेर हतियार बिसाए। हतियार बिसाएर, Guitar लिएर गीत गाउन थाले Guns N' Roses बनेर, तर एकदिन Hero फिल्ममा Jackie Shroff ले ५ तला माथीबाट यामाहा मटरसाइकल मा उडेर आएर हिरोनीलाई बचाएर लगेको देखे, Guitarलाई कुनामा थन्काएर लागे हिरो बन्न तिर। भको नभको ठुटो कपाल पानीले भिजाएर रातो स्कार्फ बाधेर कपाल हल्लाउँदै हिडिन्थ्यो, पल्ला घर कि सरिता लाई त कति चोटि गुन्डाहरुबाट नि बचाए आफ्नै कल्पनाको सिनेमामा । तेहि कपाल हल्लाउँदै हिड्ने क्रममा एकदिन माथीबाट चुईईईईय प्लेन उड्यो, प्लेन संगै मेरा कल्पनाका सिनेमाहरु सबै उडे । कागज, काठ देखि प्लास्टिक पाइप सम्म ब्याट्री हालेर उड्ने प्लेन समेत उडाए पाइलट बनेर, तर दुर्भाग्य प्लेन दुर्घटनामा पर्यो, प्लेन संगै पाईलट बन्ने सपना पनि ।
सबै म्याराडोना- म्याराडोना भन्थे, Magazine को फोटोमा बाहेक अन्त कतै देखेको थिइन, तेहि फोटोमा जस्तो अगाडि-पछाडी लामो कपाल पालेर , बुवा लाइ बल किन्न लगाएर हिडे "वल्ड कप" खेल्न । "वल्ड कप" जित्न नपाउदै बुवाको एक झापडले सकियो मेरो फूटबल क्यारिएर पनि । पछि बुवाका थोत्रा रेडियोका चुम्मक निकाल्दै, बिग्रेका लाइटरहरु बनाउदै इन्जिनियर नि नभको होइन, तर जब कक्षामा उनलाई देखे, छोडे बच्चा जस्तो सबै कल्पनाका पात्रहरु बन्न । Rahul Royको Aashiqui फिल्मको पोस्ट कार्ड पछाडि,
"SOME LOVE ONE,
SOME LOVE TWO,
I LOVE ONE,
THAT IS YOU "
लेखेर प्रेम प्रस्ताव नि गरे तर उनको हात नपर्दै, सरको हातमा पर्यो, गालामा १० वटा औलाका छाप बसे, सकियो मेरो प्रेम कथा पनि ।
आजकल गालामा फाटफुटे झुस्स परेका दारी; ओठ माथि झुसेली किरा जस्तो जुँगा छन, दुइ हफ्ता देखि ननुहाएको कपाल, झ्याल ढोकाहरु बन्द छन, एउटा हाथ भाँचेकोछ, अर्को हातमा पाईलट छ तर पाइलट भित्र अरु नै । आँखा चिम्लदै तान्छु, अनि सोच्छु, जिन्दगीका सबै सपना अनि लक्ष्यहरु त बाल्यकाल मै पूरा गरिसके, अब के नै पो बाकी छ र पूरा गर्ने । बस चिसो भुईमा लम्पसार परेर उड्दै छु, अब अर्को दुनियाँ तिर........
